മൂന്നാമത്തെയാൾ’ എന്ന ഷോർട്ട് ഫിലിം ചർച്ചാവിഷയമാകുന്നു. രണ്ടു ദിവസം മുൻപ് യൂട്യൂബിൽ റിലീസ് ചെയ്ത ഈ ഹ്രസ്വചിത്രം വളരെ ചുരുങ്ങിയ സമയംകൊണ്ടു തന്നെ ധാരാളമാളുകൾ കണ്ടു കഴിഞ്ഞു. അധികമാരും കൈവയ്ക്കാൻ ധൈര്യം കാണിക്കാത്ത വ്യത്യസ്തമായൊരു കഥയുമായി മികച്ച അഭിപ്രായങ്ങൾ നേടി മുന്നേറുന്ന ഈ ചിത്രം സംവിധാനം ചെയ്തിരിക്കുന്നത് റോഷിൻ എ റഹ്‌മാൻ ആണ്. അദ്ദേഹത്തിന്റെ തന്നെ യൂട്യൂബ് ചാനലിലൂടെ റിലീസ് ചെയ്ത ഈ ചിത്രം എഡിറ്റ് ചെയ്തിരിക്കുന്നത് പ്രശസ്ത എഡിറ്റർ ആയ ഫിൻ ജോർജ് ആണ്.
ഛായാഗ്രഹണം ഭരത് ആർ ശേഖറും, സംഗീതം റൈഹാനും നിർവഹിച്ചിരിക്കുന്നു. ഫവാസ് ജലാലുദ്ദീൻ, അൽത്വാഫ്, പാർവതി എന്നിവർ പ്രധാന കഥാപാത്രങ്ങളെ അവതരിപ്പിച്ചിരിക്കുന്ന 10 മിനുട്ട് ദൈർഘ്യമുള്ള ഈ ചിത്രം ഒട്ടും ബോറടിപ്പിക്കാത്ത, പ്രേക്ഷകനെ ആകാംക്ഷയുടെ മുൾമുനയിൽ നിർത്തുന്ന ഒരു സൈക്കോ ത്രില്ലർ ആണ്. സാഹചര്യങ്ങൾ ഒരാളുടെ ജീവിതത്തിലും സ്വഭാവത്തിലും ഉണ്ടാക്കുന്ന മാറ്റങ്ങൾ വളരെ വ്യത്യസ്തമായ രീതിയിൽ പറഞ്ഞു വച്ചിരിക്കുന്ന ഈ ചെറു ചിത്രം നെഗറ്റിവ് കമന്റുകൾ ഒന്നുംതന്നെയില്ലാതെ പ്രേക്ഷക പ്രശംസ പിടിച്ചുപറ്റുന്നു.
പ്രേക്ഷരെ ഏറെ ആകാംഷയുടെ മുൾമുനയിൽ നിർത്തുന്നതാണ് ഷോർട്ട് ഫിലിം, മികച്ച പ്രതികരണം ആണ് ചിത്രത്തിന് ഇപ്പോൾ ലഭിച്ച് കൊണ്ടിരിക്കുന്നത്.
