സിന്ധ്യ കേന്ദ്രമന്ത്രിയാകും; കോൺഗ്രസ് സർക്കാർ വീഴും; കോൺഗ്രസിൽ നിന്നും 14 എംഎൽഎമാരും പോകും

രാഷ്ട്രീയനാടകങ്ങൾ തുടരുന്ന മധ്യപ്രദേശിൽ ജ്യോതിരാദിത്യ സിന്ധ്യ ബിജെപിയിൽ ചേക്കേറിയെന്ന് ഉറപ്പായി. സിന്ധ്യ കോൺഗ്രസ് അദ്ധ്യക്ഷ സോണിയാഗാന്ധിക്ക് രാജിക്കത്ത് കൈമാറി. അദ്ദേഹം ഉടൻ ബി.ജെ.പിയിൽ ചേർന്നേക്കുമെന്നാണ് സൂചന.

സിന്ധ്യയ്ക്ക് ബി.ജെ.പി കേന്ദ്രമന്ത്രി സ്ഥാനം വാഗ്ദാനം ചെയ്‌തതായി റിപ്പോർട്ട് ഉണ്ട്. സിന്ധ്യ ഇപ്പോൾ ബി.ജെ.പി ദേശീയ അദ്ധ്യക്ഷൻ ജെ.പി നദ്ദയുമായി കൂടിക്കാഴ്ച നടത്തുകയാണ്. സിന്ധ്യയെ പിന്തുണച്ച് 14 കോണ്‍ഗ്രസ് എം.എല്‍.എമാര്‍ രാജിവെച്ചിട്ടുണ്ട്.

ഇതിനിടെ, പാര്‍ട്ടി വിരുദ്ധ പ്രവര്‍ത്തനം നടത്തിയതിന് ജ്യോതിരാദിത്യ സിന്ധ്യയെ പുറത്താക്കിയതായി കോണ്‍ഗ്രസ്. സിന്ധ്യ രാജിക്കത്ത് നല്‍കി മിനുട്ടുകള്‍ക്കകമാണ് പുറത്താക്കാനുള്ള തീരുമാനം കോണ്‍ഗ്രസ് അറിയിച്ചത്. തീരുമാനം കോണ്‍ഗ്രസ് അദ്ധ്യക്ഷ സോണിയാ ഗാന്ധി അംഗീകരിച്ചെന്നും എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ പുറത്തിറക്കിയ പ്രസ്താവനയില്‍ പറയുന്നു.

സിന്ധ്യ ബി.ജെ.പിയിലേക്ക് പോയേക്കുമെന്ന അഭ്യൂഹങ്ങള്‍ നേരത്തെ ഉയര്‍ന്നിരുന്നു. ശിവരാജ് സിങ് ചൗഹാന്‍ സിന്ധ്യയെ ബി.ജെ.പിയിലേക്ക് ക്ഷണിച്ചിരുന്നു. സിന്ധ്യ ബി.ജെ.പിയിലേക്ക് വരുന്നതില്‍ സന്തോഷമാണെന്ന് മറ്റൊരു നേതാവ് നരോത്തം മിശ്രയും അഭിപ്രായപ്പെട്ടിരുന്നു.
ജ്യോതിരാദിത്യ സിന്ധ്യ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിക്കഴിഞ്ഞു. ആഭ്യന്തര മന്ത്രി അമിത് ഷായും കൂടിക്കാഴ്ചയില്‍ പങ്കെടുത്തു. കൂടിക്കാഴ്ചക്കെത്തിയതും മടങ്ങിയതും അമിത്ഷായോടൊപ്പമാണ്.

ജ്യോതിരാദിത്യ സിന്ധ്യയെ കേന്ദ്ര മന്ത്രിയാക്കാനും ശിവ്‌രാജ് സിങ് ചൗഹാനെ മുഖ്യമന്ത്രിയാക്കാനുമാണ് ബി.ജെ.പി തീരുമാനമെന്നുമാണ് പാര്‍ട്ടി വൃത്തങ്ങളില്‍ നിന്നുള്ള വിവരം.

Vinkmag ad

Read Previous

നരേന്ദ്രമോദിയുടെ ജന്മനാട്ടിൽ പരിവാറിന് വമ്പൻ പരാജയം; സെനറ്റ് തെരഞ്ഞെടുപ്പിൽ കോൺഗ്രസ് വിദ്യാർത്ഥി യൂണിയൻ

Read Next

മധ്യപ്രദേശിലെ സാമുദായിക രാഷ്ട്രീയം പറയുന്നതിങ്ങനെ; സിന്ധ്യയുടെ മറുകണ്ടം ചാടൽ കോൺഗ്രസിന് ഗുണംചെയ്യും

Leave a Reply

Most Popular