രാജ്യം കോവിഡിൻ്റെ പിടിയിലമരുന്നു: ഒറ്റ ദിനം ഇരുപതിനായിരത്തിനടുത്ത് പുതിയ രോഗികൾ

രാജ്യത്ത് കോവിഡ് രോഗത്തിൻ്റെ പിടിയിലമരുന്നു. ഒറ്റദിനം ഇരുപതിനായിരത്തിനടുത്ത് കഴിഞ്ഞ ദിവസം കോവിഡ് സ്ഥിരീകരിച്ചത്. 24 മണിക്കൂറിനിടെ 19,906 പേർക്ക് വൈറസ് ബാധിച്ചെന്ന് കേന്ദ്ര ആരോഗ്യമന്ത്രാലയം അറിയിച്ചു.

ഇതോടെ 5,28,859 പേർക്കാണ്​ രാജ്യത്ത്​ കോവിഡ്​ ബാധിച്ചത്​​. 2,03,051 പേരാണ്​ നിലവിൽ ചികിൽസയിലുള്ളത്​. 3,09,713 പേർക്ക്​ രോഗം ഭേദമായി. കോവിഡ്​ ബാധിച്ച്​ ഇതുവരെ 16,095 പേർ മരിച്ചിട്ടുണ്ട്​.

കഴിഞ്ഞ ദിവസം മാത്രം 2,31,095 സാമ്പിളുകൾ പരിശോധിച്ചുവെന്ന്​ ഐ.സി.എം.ആർ അറിയിച്ചു. അതേസമയം, രാജ്യത്തെ വിവിധ സംസ്ഥാനങ്ങൾ ലോക്​ഡൗണിൽ ഇളവുകൾ നൽകാൻ ഒരുങ്ങുകയാണ്​.