JOURNALIST ബ്രിട്ടീഷ് പ്രധാനമന്ത്രി ബോറിസ് ജോണ്സണ് കോവിഡ് 19 സ്ഥിരീകരിച്ചു. ട്വിറ്റര്‍ അക്കൌണ്ടിലൂടെ ബോറിസ് തന്നെയാണ് ഇക്കാര്യം അറിയിച്ചത്. കോവിഡ് 19 ലക്ഷണങ്ങള്‍ പ്രകടിപ്പിച്ച ബോറിസ് ജോണ്സണ് സ്വയം ഐസൊലേഷനിലായിരുന്നു.
ആരോഗ്യ നിലയിൽ ആശങ്കയില്ലെന്നും ഐസൊലേഷനിൽ കഴിയുകയാണെന്നും അദ്ദേഹം വീഡിയോയിലൂടെ പറഞ്ഞു.
“കഴിഞ്ഞ 24 മണിക്കൂറുകളായി എനിക്ക് ചില രോഗലക്ഷണങ്ങൾ ഉണ്ടായിരുന്നു. ഇപ്പോൾ കൊവിഡ് 19 ടെസ്റ്റ് എനിക്ക് പോസിറ്റീവാണ്. ഞാനിപ്പോൾ സ്വയം ഐസൊലേഷനിലാണ്. പക്ഷേ, വീഡീയോ കോൺഫറസുകളിലൂടെ സർക്കാർ സംവിധാനങ്ങളെ നയിക്കും.”- ട്വീറ്റിൽ അദ്ദേഹം പറയുന്നു.
ബ്രിട്ടണിൽ 11600ലധികം പോസിറ്റീവ് കേസുകളാണ് ഉള്ളത്. 578 പേർ മരണപ്പെട്ടു. യൂറോപ്പ്യൻ രാജ്യങ്ങളുടെ അവസ്ഥ കൂടുതൽ പരിതാപകരമാകുകയാണ്. ഇറ്റലി, സ്പെയ്ൻ, ജർമ്മനി, ഫ്രാൻസ് എന്നീ രാജ്യങ്ങളിലെല്ലാം വൈറസ് വ്യാപനം കൂടുകയാണ്.
