JOURNALIST ചൈനയുമായുള്ള അതിർത്തി സംഘർഷത്തെത്തുടർന്ന് സുരക്ഷ മുൻനിർത്തിയാണ് ടിക് ടോക് അടക്കമുള്ള 59 ചൈനീസ് ആപ്പുകൾ ഇന്ത്യ നിരോധിച്ചത്. ഇതിന് ശേഷം രാജ്യത്തെ ജനങ്ങൾ ഏറ്റവും അധികം ഡൗൺലോഡ് ചെയ്യപ്പെട്ടത് ഷയർ ചാറ്റാണെന്ന് കണക്കുകൾ പറയുന്നു.
ഇന്ത്യൻ നിർമ്മിത ആപ്പാണ് ഷെയർ ചാറ്റ്. ചൈനീസ് ആപ്പുകളുടെ നിരോധനം പ്രഖ്യാപിച്ച് കേവലം മുപ്പത്താറുമണിക്കൂറിനുള‌ളിൽ പതിനഞ്ചുദശലക്ഷം ഡൗൺലോഡുകളാണ് ഷെയർ ചാറ്റിന് ലഭിച്ചത്. മണിക്കൂറിൽ അഞ്ചുലക്ഷം എന്ന നിരക്കിലാണ് ഷെയർ ചാറ്റ് ആപ്പുകൾ ഡൗൺലോഡ് ചെയ്യുന്നത്. ഇത് ഇനിയും കൂടുമെന്നാണ് കരുതുന്നത്.
നേരത്തേ തന്നെ ടിക് ടോക് , ഹലോ എന്നിവയുടെ കടുത്ത എതിരാളിയായിരുന്നു ഷെയർചാറ്റ്. ഇന്ത്യൻ ആപ്പുകൾക്കായി സെർച്ച് ചെയ്യുന്നവരുടെ എണ്ണവും കൂടിയിട്ടുണ്ട്. കാൺപൂർ ഐ ഐ ടിയിൽ പഠിച്ചിറങ്ങിയ മൂന്നുപേർ ചേന്നാണ് ഷെയർചാറ്റ് സ്ഥാപിച്ചത്.
സാധാരണ ജനങ്ങൾ മാത്രമല്ല സർക്കാർ വകുപ്പുകളും തങ്ങളുടെ ഔദ്യോഗിക അക്കൗണ്ടുകൾ ഷെറർ ചാറ്റിൽ ആരംഭിക്കുന്നുണ്ട്. ഷെയർ ചാറ്റുപോലെ ഇന്ത്യൻ ആപ്ലിക്കേഷനുകളായ ചിംഗാരി, മിത്രോൺ എന്നിവയ്ക്കും കഴിഞ്ഞ ദിവസങ്ങളിൽ വൻ മുന്നേറ്റമുണ്ടായെന്നാണ് റിപ്പോർട്ട്.
