JOURNALIST രാജ്യത്ത് പ്രധാനമന്ത്രി പ്രഖ്യാപിച്ച് ലോക്ക് ഡൗണ്‍ ഇനിയും നീട്ടിയേക്കാമെന്ന് റിപ്പോര്‍ട്ടുകള്‍.എന്നാല്‍ കേന്ദ്ര സര്‍ക്കാര്‍ ഇക്കാര്യത്തില്‍ അന്തിമ തീരുമാനം ഇതുവരെ കൈക്കൊണ്ടിട്ടില്ല.അമേരിക്കന്‍ കണ്‍സള്‍ട്ടിംഗ് കമ്പനിയായ ബോസ്റ്റന്‍ കണ്‍സള്‍ട്ടിംഗ് ഗ്രൂപ്പിന്റെ (ബി.എസ്.ജി) പഠനത്തെ ഉദ്ധരിച്ച് മണികണ്‍ട്രോള്‍.കോം ആണ് ഇത് സംബന്ധിച്ച വാര്‍ത്ത റിപ്പോര്‍ട്ട് ചെയ്യുന്നത്.
ജൂണ്‍ അവസാനത്തിലും സെപ്തംബര്‍ രണ്ടാം വാരത്തിലുമിടയിലായിരിക്കും രാജ്യത്ത് ലോക്ക് ഡൗണ്‍ പിന്‍വലിക്കുക എന്നാണ് റിപ്പോര്‍ട്ടില്‍ പറയുന്നത്. ഇന്ത്യയില്‍ ആരോഗ്യമേഖല നേരിടുന്ന വെല്ലുവിളികളുടെ ഫലമായിട്ടായിരിക്കും ലോക്ക് ഡൗണ്‍ നീട്ടേണ്ടി വരിക.
ജൂണ്‍ മൂന്നാം വാരത്തോടുകൂടി കൊവിഡ് 19 ബാധിതരുടെ എണ്ണം ഇന്ത്യയില്‍ വളരെ കൂടുതലായിരിക്കുമെന്നും റിപ്പോര്‍ട്ട് ചൂണ്ടിക്കാണിക്കുന്നു. നിലവില്‍ ഏപ്രില്‍ 14 നാണ് രാജ്യത്തെ ലോക്ക് ഡൗണ്‍ അവസാനിക്കുക.ലോക്ക് ഡൗണ്‍ നീട്ടുന്നതിനെക്കുറിച്ച് കേന്ദ്രസര്‍ക്കാര്‍ ഇതുവരെ ഒന്നും വ്യക്തമാക്കിയിട്ടില്ല.
