JOURNALIST പ്രമുഖ നടന്‍ ഇര്ഫാന് ഖാന്റെ മരണത്തിലും വര്‍ഗീയ വിദ്വേഷം പ്രചരിപ്പിച്ച് സംഘപരിവാര്‍ അനൂകൂലികളുടെ സോഷ്യല്‍ മീഡിയ പോസ്റ്റുകള്‍. ഒരു ജിഹാദി കൂടി ഇല്ലാതായി എന്ന് പറഞ്ഞാണ് സോഷ്യല്‍ മീഡിയയില്‍ വിദ്വേഷപ്രചരണം.
ഫേസ്ബുക്കില്‍ സഞ്ജന ഹിന്ദു, ട്വിറ്ററില്‍ ചന്ദ്രശേഖര്‍ യാദവ്, റോക്കി ബന്ന എന്നീ പേരുകളുള്ള അക്കൗണ്ടിലാണ് വിദ്വേഷപരാമര്‍ശങ്ങള്‍ വന്നത്. പ്രതിഷേധം ശക്തമായതോടെ പലപോസ്റ്റുകളും എഡിറ്റ് ചെയ്യുകയോ നീക്കുകയോ ചെയ്തു. ടി.വി അവതാരകന്‍ അനുരാഗ് മുസ്‌കാന്‍ ഇര്ഫാന് അനുശോചനമറിയിച്ച് പങ്കുവെച്ച ട്വീറ്റിലായിരുന്നു ചന്ദ്രശേഖര്‍ യാദവിന്റെ വിദ്വേഷ പരാമര്‍ശം
ഒരു തീവ്രവാദിയുടെ എണ്ണം കൂടി കുറഞ്ഞു എന്നായിരുന്നു ഇയാളുടെ പരാമര്‍ശം. ട്വീറ്റിനെതിരെ വിമര്‍ശനം വന്നതോടെ ഇയാളുടെ ട്വിറ്റര്‍ അക്കൗണ്ട് തന്നെ റിമൂവ് ചെയ്തു.
ഇന്ത്യയിലെ ഒരു ജിഹാദി കൂടി ഇല്ലാതായി എന്നായിരുന്നു സഞ്ജന ഹിന്ദു എന്ന ഫേസ്ബുക്ക് പേജിലെ പോസ്റ്റ്. പിന്നീട് ഈ പോസ്റ്റ് എഡിറ്റ് ചെയ്ത് മാറ്റി.
ഇന്ന് രാവിലെയാണ് 54 കാരനായ ഇര്ഫാന് ഖാന്‍ അന്തരിച്ചത്. കാന്‍സര്‍ രോഗബാധിതനായി ദീര്‍ഘനാളായി ചികിത്സയിലായിരുന്നു.
