നാഷണലിസ്റ്റ് കോൺഗ്രസ് കേരള നിലവിൽ വന്നു: മാണി സി കാപ്പൻ പ്രസിഡൻ്റ്

എൻസിപി വിട്ട് യുഡിഎഫ് പാളയത്തിലേക്ക് എത്തിയ മാണി സി കാപ്പൻ പുതിയ പാർട്ടി പ്രഖ്യാപിച്ചു. നാഷണലിസ്റ്റ് കോൺഗ്രസ് കേരളയെന്നാണ് പാർട്ടിയുടെ പേര്. മാണി സി കാപ്പനാണ് പാർട്ടിയുടെ പ്രസിഡൻ്റ്. യുഡിഎഫിനോട് മൂന്ന് സീറ്റ് ആവശ്യപ്പെടുമെന്നും കാപ്പൻ വ്യക്തമാക്കി.

ദേശീയ വീക്ഷണമുള്ള ജനാധിപത്യ പാര്‍ട്ടിയായി മുന്നോട്ട് പോകുമെന്ന് കാപ്പന്‍ പറഞ്ഞു. ഘടകക്ഷി ആയിട്ടെ യുഡിഎഫിലേക്ക് വരൂ എന്നും മൂന്ന് സീറ്റ് ആവശ്യപ്പെട്ടെന്നും അദ്ദേഹം വ്യക്തമാക്കി. മാണി സി കാപ്പന്‍ പ്രസിഡൻ്റും ബാബു കാര്‍ത്തികേയന്‍ വൈസ് പ്രസിഡന്റുമായാണ് പുതിയ പാര്‍ട്ടിയുടെ രൂപീകരണം.

പാലാ സീറ്റ് എല്‍ഡിഎഫ് നിഷേധിച്ചതോടെയാണ് മാണി സി കാപ്പന്‍ യുഡിഎഫ് പക്ഷത്തേക്ക് ചുവടുമാറിയത്. തുടര്‍ന്ന് എന്‍സിപിയില്‍ നിന്നദ്ദേഹത്തെ പുറത്താക്കുകയായിരുന്നു. ഇതിനിടെ കോണ്‍ഗ്രസില്‍ ചേരണമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രനടക്കമുള്ള ആവശ്യപ്പെട്ടിരുന്നു. എന്നാല്‍ പുതിയ പാര്‍ട്ടി രൂപീകരിച്ച് ഘടകക്ഷി ആയിട്ടു മാത്രമേ താന്‍ യുഡിഎഫില്‍ ചേരുകയുള്ളൂവെന്ന നിലപാടില്‍ കാപ്പന്‍ ഉറച്ച് നില്‍ക്കുകയായിരുന്നു.

Read Previous

തെക്കേ ഇന്ത്യയിലെ അവസാനത്തെ കോൺഗ്രസ് സർക്കാരും നിലംപതിച്ചു; പുതുച്ചേരി മുഖ്യമന്ത്രി രാജിവച്ചു

Read Next

രാമക്ഷേത്രത്തിന് സംഭാവന നൽകി പിസി ജോർജ്ജ്; വീണ്ടും എൻഡിഎയോട് അടുക്കുന്നു

Leave a Reply